Aya Sofya

QIRIMTATAR VİKİPEDİYASINIÑ MALÜMATI
Jump to navigation Jump to search
Aya Sofya, İstanbul

Aya Sofya (türkçe Ayasofya, yunanca Αγία Σοφία, tolu adı yunanca Ιερός Ναός της του Θεού Σοφίας) — İstanbul şeerinde eñ meşur mimariy abidelerden biri; Bizans İmperiyası "altın devri"niñ timsali ve bugünki İstanbulnıñ timsallerinden biri. Tarih boyu katedral kilse olaraq, soñ cami olaraq, soñ müzey olaraq, şimdi ise kene cami olaraq qullanıla. Şeerniñ Sultanahmet tarihiy rayonında buluna.

537 senesi Büyük imperatorlıq sarayınıñ yanında Aya Sofya ortodoks hristian katedral kilsesi olaraq qurulğan edi. 1453 senesi Osmanlılarnıñ İstanbulnı zapt etkeninden soñ camige çevirilgen. 1934 senesi Mustafa Kemal Atatürkniñ emri ile müzeyge çevirilgen. 2020 senesi oraq ayınıñ 10-unda Türkiye devlet şurası, Atatürkniñ qararnamesini qanunsız dep ilân etken ve Türkiye prezidenti Recep Tayyip Erdoğan Aya Sofyanı Diyanet işleri idareligine teslim etken.

Aya Sofyanıñ yüksekligi 55 metr, qubbesiniñ diametri 31 metrdir. 1985 senesi mabet UNESCO Dünya Mirası Cedveline kirsetilgen.