Atstekler

QIRIMTATAR VİKİPEDİYASINIÑ MALÜMATI
Jump to navigation Jump to search

Atstekler (öz adı mēxihcah [meː'ʃiʔkaʔ]) - Meksikada yerli Amerika halqlarınıñ eñ büyügi. Atsteklerniñ autentik adı — meşika. XII asırda şimalden bugünki Meksikanıñ merkeziy qısmına kelgenler. 1325 senesi paytahtı Tenoçtitlannı (zemaneviy Mehikonıñ yerinde) qurulmağa başlağanlarına inanıla. Tenoçtitlan yavaş-yavaş Meksika vadiysiniñ çoq tışına uzanğan bir imperiyanıñ paytahtı oldı.

Efsanelerine köre, Atstekler Meksika vadiysine Atstlan adlı bir yerden keldiler, bundan da halqnıñ adı kele. Atstek medeniyeti, keñ ve mürekkep bir mifologiya ve diniy adetler ağına, soñ derece inkişaf etilgen sanatqa, çeşitli ilim alanlarında teren bilgige saip oldı. İmperiya zamanınıñ atstekleri, klassik nauatl tilinde laf etken ediler. Atstekler, ekseriyeti ispan fethi devrinde ve soñrasında yıqılğan, öz edebiyatlarından çoq sayıda abide yarattılar.