“Şefiqa Gasprinskaya” saifesiniñ menba kodu

{{Kişi
|resim=Safika Gaspirali (crop).jpg
}}
'''Şefiqa Gasprinskaya''' ('''Gaspıralı'''), (arab hurufatında شَفِیقَە گَصْپْرِینْسكَایَا) ([[1886]] [[oktâbr 14]] - [[1975]] [[avgust 31]]) - jurnalist, cemaat erbabı.

Şefiqa Gasprinskaya 1886 senesi [[Bağçasaray]]da ulu qırımtatar maarifçisi [[İsmail Gasprinskiy]]niñ qorantasında dünyağa keldi. Evde pek güzel tasil aldı. Pek erte çalışmağa başladı. Başta “[[Terciman]]” gazetasınıñ basmahanesinde çalıştı, soñra “Alem-i nisvan” adlı qadınlar içün dergi muarririyetiniñ müdiri oldı. 1906 senesi Gasprinskaya belli azerbaycan erbabı [[Yusuf Nasipbeyli]]ge aqayğa çıqa.
1917 senesi Qırım delegatsıyasınıñ erkânında Şefiqa Gasprinskaya [[Moskva]]daki [[I Bütünrusiye Musulman Qurultayı]]nda iştirak ete. Biraz soñra o [[I Qırımtatar Qurultayı]]nıñ delegatı olaraq saylana, [[Aqmescit]]te açılğan qadınlar içün pedagogika oquv yurtunıñ müdiri olıp çalışa. Direktoriya ükümeti dağıtılğan soñ o, qorantasınen [[Baku]]ğa kete, mında pedagogika oquv yurtunda müdir olıp çalışa. [[Azerbaycan]]da yüz bergen devrim ve ömür arqadaşı qurşunğa tizilgen soñ Gasprinskaya balalarınen [[Türkiye]]ge icret ete. [[İstanbul]]da öksüzler evinde müdir ola, qırımtatar diasporasınıñ içtimaiy ayatında faal iştirak ete, hayriye faaliyetinen oğraşa. 1930 senesi Gasprinskaya qırımtatar qadınlar birligini meydanğa ketire ve onıñ reisi ola. 1961 senesi fevral 26 künü, İstanbulda [[Noman Çelebicihan]]ğa bağışlanğan merasimde Şefiqa Gasprinskayanıñ “Çelebicihan şeadeti” serlevalı maqalesi oquldı. (Mezkür maqale “Yıldız” mecmuasında 1995 s. 5-6 sanında basıldı).
Şefiqa Gasprinskaya 1975 senesi avgust 31-inde İstanbulda vefat etti.

== Menbalar ==
[[Avdet Gazetası]], 2010 s. 40-ıncı san

{{1917}}

{{DEFAULTSORT:Gasprinskaya, Şefiqa}}
[[Kategoriya:Jurnalistler]]
[[Kategoriya:1886 senesinde doğğanlar]]
[[Kategoriya:1975 senesinde ölgenler]]