Azam Amet

QIRIMTATAR VİKİPEDİYASINIÑ MALÜMATI
Azam Amet
Doğğan künü 1909
Doğğan yeri
Ölgen künü 1941
Ölgen yeri
Memleketi
Zenaatı yazıcı

Azam Amet (1909 - 1941) - qırımtatar edebiyatına yigirminci seneleri kelgen şairdir. 1909 senesi Qalımtay köyünde fuqare Seyid-Ametniñ ailesinde doğdı. 1924 senesi Bağçasarayda açılğan yedi yıllıq qırımtatar mektebine Yağya Bayburtlı, Yaqub Kermençikli, Bilâl Terlikçi kibi büyük bilgi ve medeniyet saibi ocalarnıñ elinde tasil kördi, nefis edebiyatnı sevdi. Azam o devirniñ gürdeli inqilâbiy ömürinen yaşadı. “Qara qan”, “Apayım”, “Komsomol” degen şiirlerini yazıp “Yaş quvet” gazetasında bastırdı. 1928 senesi Aqmescitteki işçi fakultetine (rabfak) kirdi. Bu devirde “Bizim künler”, “Köy”, “Alevli köyler”, “Rabfaklılar sesi” şiirlerini yazdı. 1931 senesi Moskvadaki Lomonosov adına Devlet Universitetiniñ neşriyat şübesine kirdi. Aqmescitte şair Amdi Alimnen beraber “Raport” adlı şiirler kitabı neşir etildi.

1941 senesi Vatan mudafaasına ketti. Sovet zabiti (ofitser) olaraq yavuz duşmannen cenkleşti. Vatanını qorçalar eken, qaramanca elâk oldı.