Tan sülâlesi

QIRIMTATAR VİKİPEDİYASINIÑ MALÜMATI
Jump to navigation Jump to search

Tan (çince , pіnіn: táng, 618 kiraz ayınıñ 18 - 907 kiraz aynıñ 4) - Qıtay tarihında sülâle ve imperatorlığı: Suy sülâlesiniñ halefi; Beş sülâlesi ve on çarlığı devriniñ selefi. Li Yuannen qurulğan. Sülâleniñ ükümdarlığı, U Tszetân imperatriçesinen Çjounıñ Ekinci sülâlesiniñ (690 orta küz aynıñ 16 - 705 saban aynıñ 3) peyda oluvı ile qısqa müddetine toqtatılğan edi.

Tan imperatorlığınıñ paytahtı, o vaqıttaki dünyasınıñ eñ büyük urbanistik merkezi Çanan şeeri olğan. Tan sülâlesiniñ ükümdarlıq devri, muvafaqiyetli basqıncı cenkler ve iqtisadiyat ve medeniyetiniñ şiddetli inkişafına zengin. Aynı Tan devletinden Qıay tarihındaki “altın devri” başlana.

Ükümet[deñiştir | kodunı deñiştir]

Nazirler kabineti, icraiy vazifelerni altı ananeviy idaresi ile amelge keçire edi. Olarnıñ eñ esası, orta asırlı cemiyetiniñ bütün yaşayış ceetlerinden ibaret olğan (merasimlerge riayet etüv, tebaalarnıñ ahlâqlı oluvı ve olarnıñ tasili, diniy teşkilâtları) Merasim müdiriyeti (Li bu) olğan edi. Elçihanelerni qabul etüv ve diplomatik munasebetlerni tizüv de Merasim müdiriyetine bağlı edi.