Hristianlıq

QIRIMTATAR VİKİPEDİYASINIÑ MALÜMATI

Hristianlıq - bir İbraimiy din, üç cian dinleriniñ biridir. Hristianlıq inançına saip adamlarğa Hristian deyler. Dünyanıñ er yerine yayılğan olmaqnen birlikte esasen Avropa, Amerika, Сenübiy Afrika ve Avstraliyada bulunalar. 2 milliarddan fazla mensübi ile dünyanıñ eñ yayğın dinidir.

Hristianlıqnıñ muqaddes kitabı, Bibliya ya da Kitab-ı Muqaddes adınen añıla. Bibliya Eski Ait ve Yañı Ait degen eki bölümden ibaret. Eski Aitniñ eñ müim parçası Tevrat, Yañı Aitniñ ise - İncildir.