Anatoliy Mogilöv
| Anatoliy Mogilöv | |
|---|---|
| ukraince Анатолій Володимирович Могильов | |
 | |
| Doğğan künü | 1955 aprel 6 (69 yaşında) |
| Doğğan yeri | |
| Memleketi | |
| Zenaatı | siyasetçi |
| Mukâfatlar |
    |
 Медиафайлы на Викискладе | |
Anatoliy Mogilöv (ukraince Анатолій Могильов, rusça Анатолий Могилёв) - 2011 - 2014 senelerinde Qırım Muhtar Cumhuriyeti Nazirler şurasınıñ reisi.
Tercimeial
[deñiştir | kodunı deñiştir]1955 senesi aprel 6-da Rusiye Federatsiyasınıñ Petropavlovsk-Kamçatskiy şeerinde dünyağa kelgen. Donetsk vilâyetindeki Slovyansk pedagogika institutınıñ fizika fakultetini yekünlegen soñ orta tasil mektebinde ocalıq yapa. 1979-1981 seneleri arasında SSCB Arbiy Quvetleri saflarındaki hızmetini bitirgen soñ Donetsk vilâyetindeki 18-nci Slovyansk orta mektebinde fizika ocası olaraq çalışa.
1982 senesi iyün ayından başlap Donetsk vilâyeti İçki işler idaresi (İİİ) Slovyansk rayon içki işler bölüginiñ erkinlik çağına yetmegenlerniñ işleri teftişçiligi şübesiniñ maaliy teftişçisi vazifesinde hızmet etmege başlay. Soñra cinayetçiler qıdıruv bölügi harekât murahhası, militsiya maalliy teftişçileri bölügi ve cinayetçiler qıdıruv bölügi yolbaşçısı, Donetsk vilâyeti İİİ Slovyansk rayon İİ harekât işleri yolbaşçısınıñ muavini vazifesinde çalışa. 1992 senesi dekabr ayından itibaren Donetsk vilâyeti İİİ içki telükesizlik şübesiniñ hususiy işler baqqan üyken harekât murahhası vazifesinde çalışa.
1993 senesi Ukraina içki işler akademiyasını bitire. 1995-2000 seneleri arasında Ukraina İİN Donetsk vilâyetindeki İdaresiniñ Artemivsk şeer bölügine, 2000-2005 seneleri arasında ise, Ukraina İİN Donetsk vilâyetindeki İdaresiniñ Makiyivka şeer bölügine yolbaşçılıq yapa. 2007 senesi Qırım Muhtar Cumhuriyetindeki Ukraina İİN Baş idaresiniñ yolbaşçısı vazifesine, ondan soñ, nazir yardımcısı vazifesine – militsiya Glavk yolbaşçısı olaraq tayin etile.
2007 senesiniñ dekabr ayından itibaren Ukraina İİNniñ ihtiyarında bulunmaqta. 2010 s. mart - 2011 s. noyabr ayınace militsiya general-mayorı rutbesinen Ukraina İçki işler naziri vazifesinde çalışa. Ukraina Prezidenti Viktor Yanukoviçniñ 23.08.2011 s. 861/2011 sanlı qararına binaen Ukraina İçki işler naziri militsiya general-leytenantı rutbesindeki Anatoliy Mogilövqa nevbetteki hususiy militsiya general-polkovnigi rutbesi berile.
Ukraina İİN-niñ "Hrest Slavı" ("Şüret Haçı") adlı nişanı şu cümleden olmaq üzre, bir çoq devlet mukâfatlarınen taqdirlengendir.
2011 senesi noyabr 8-de Qırım Muhtar Cumhuriyeti nazirler Şurası Reisi olaraq tayinlengendir.