Anatoliy Mogilöv

QIRIMTATAR VİKİPEDİYASINIÑ MALÜMATI
Buña bar: qullan, qıdır

Anatoliy Mogilöv (ukraince Анатолій Могильов, rusça Анатолий Могилёв) - Qırım Muhtar Cumhuriyeti Nazirler şurasınıñ reisi.

Tercimeial[deñiştir]

1955 senesi aprel 6-da Rusiye Federatsiyasınıñ Petropavlovsk-Kamçatskiy şeerinde dünyağa kelgen. Donetsk vilâyetindeki Slavânsk pedagogika institutınıñ fizika fakultetini yekünlegen soñ orta tasil mektebinde ocalıq yapa. 1979-1981 seneleri arasında SSCB Arbiy Quvetleri saflarındaki hızmetini bitirgen soñ Donetsk vilâyetindeki 18-nci Slavânsk orta mektebinde fizika ocası olaraq çalışa.

1982 senesi iyün ayından başlap Donetsk vilâyeti İİİ Slavânsk rayon iç işleri bölüginiñ erkinlik çağına yetmegenlerniñ işleri boyunca müfettişlik şübesiniñ maaliy müfettişi vazifesinde hızmet etmege başlay. Soñra cinayetçiler qıdıruv bölügi harekât murahhası, militsiya maaliy müfettişleri bölügi ve cinayetçiler qıdıruv bölügi yolbaşçısı, Donetsk vilâyeti İİİ Slavânsk rayon İİ harekât işleri yolbaşçısınıñ muavini vazifesinde çalışa. 1992 senesi dekabr ayından itibaren Donetsk vilâyeti İİİ iç havfsızlığı şübesiniñ hususiy işler boyunca üyken harekât murahhası vazifesinde çalışa.

1993 senesi Ukraina iç işleri akademiyasını bitire. 1995-2000 seneleri arasında Ukraina İİN Donetsk vilâyetindeki İdaresiniñ Artemovsk şeer bölügine, 2000-2005 seneleri arasında ise, Ukraina İİN Donetsk vilâyetindeki İdaresiniñ Makeyevka şeer bölügine yolbaşçılıq yapa. 2007 senesi Qırım Muhtar Cumhuriyetindeki Ukraina İİN Baş İdaresiniñ yolbaşçısı vazifesine, ondan soñ, nazir yardımcısı vazifesine – militsiya Glavk yolbaşçısı olaraq tayin etile.

2007 senesiniñ dekabr ayından itibaren Ukraina İİN-niñ ihtiyarında bulunmaqtadır. 2010 s. mart-2011 s. noyabr ayınace militsiya general-mayorı rutbesinen Ukraina iç işleri Naziri vazifesinde çalışa. Ukraina Prezidenti Viktor Yanukoviçniñ 23.08.2011 s. 861/2011 sanlı qararına binaen Ukraina iç işler Naziri militsiya general-leytenantı rutbesindeki Anatoliy Mogilövqa nevbetteki hususiy militsiya general-polkovnigi rutbesi berile.

Ukraina İİN-niñ "Hrest Slavı" ("Şüret Haçı") adlı nişanı şu cümleden olmaq üzre, bir çoq devlet mukâfatlarınen taqdirlengendir.

2011 senesi noyabr 8-de Qırım Muhtar Cumhuriyeti nazirler Şurası Reisi olaraq tayinlengendir.