Özü özeni

QIRIMTATAR VİKİPEDİYASINIÑ MALÜMATI
Buña bar: qullan, qıdır
Özü
rusça Днепр, ukraince Дніпро
Baş Valday dağları
 - yüksekligi 220 m
Ağız Qara deñiz
 - yüksekligi 0 m
Havuz memleketleri Rusiye, Belarus, Ukraina
Uzunlıq 2 201 km
Avındıq 0,1 m/km
Havuz meydanlığı 504 000 km²

Özü (rusça Днепр, ukraince Дніпро) - Rusiye, Belarus ve Ukraina topraqlarınıñ bir qısmını suvlağan bir özendir, Ukrainanıñ esas özeni. Edil ve Tunadan soñ Avropanıñ üçünci uzun özendir. 2290 km uzunlığındaki bu özen, Valday dağları yaylasınıñ cenübinden doğa, Smolensk şeerine yete, Belarusta kire, bu memleketniñ şarqiy qısmından keçip Ukrainağa yete. Soldan Desna özeninen birleşken, Kiyevge keçe. Daa soñra Özü yaylasını bir egri çizip dolaşa ve yalı tiliniñ qısmen qapatqanı bir liman meydanğa ketirerek Adesniñ şarqından Qara deñizge töküle. Özü, Volın kütlesiniñ sert qayalıqlarında meydanğa kelgen bir diyarnı aşa. Özenniñ rejimi Şarqiy Avropa aqar suvlarınıñ rejimindendir. Qışnıñ ayazı sebebinen suvları azlaşır, baarde büyük bir artış köstere. Yaznıñ ise sıq buharlaşma sebebi ile suvları azlaşır. Müim bir hidroelektrik menbasıdır. Eñ müim qolları Berezina (585 km), Pripât (790 km), Teteriv (365 km), İngulets (550 km), Desna (1180 km), Psel (800 km) özenleri.