Zlıva (yır)
"Злива" (qırımca: Sağanaq; muz. Dmıtro Şurov, söz. Andriy Hlıvnük) – Andriy Hlıvnük Camala ile icrasındaki Maydan facialı vaqialarınıñ bir yıllığına bagışlanğan yır.
2014 senesi noyabrniñ 20 künü "Zlıva" yırı ilk sefer İ’net ağında peyda ola: Yevromaydan saytında baş saifesinde başlanğıc levha olaraq qullanıla[1].
İştirakçileri[deñiştir | kodunı deñiştir]
- Andriy Hlıvnük, Camala – vokal
- Dmıtro Şurov – rodes-piano
Camalanıñ taqımından:
- Yevgen Kostits – uruv aletleri
- Sergiy Yerömenko – gitara
- Erika Slobodenük – bas gitarası
Yır aqqında[deñiştir | kodunı deñiştir]
"Zlıva"nıñ yazıluvı Kiyevdeki meşur "Z ranku do noçi" degen Oleksandr Ponomarövnıñ studiyasında olıp keçti[2]. Em de, Andriy Hlıvnüknıñ aytqanına köre, yırnıñ kerek derecesine ketirmek içün eki repetitsiya yeterlik oldı.
| “ | Bu yır Andriy Hlıvnükniñ lirikasından eñ güzel ananelerinde yazılğan bir yırdır, dep sayam. Asıl, Hlıvnükniñ yazğan metinlerine men bir fanat olam, amma bu yırnıñ sözleri, maña köre, güzelden güzel. "Zlıva" yırı biñlernen adamlarnıñ alını, tüsüncelerini tamamınen aydınlata, soñki yıl devamında olğan vaqialarnı biraz añlamaq yardım ete, belleyim. | ” |
dep söyley Camala[3].
Şay, yırnıñ şöyle satırları mevcut: "Evelki dayın men endi olamam,//Tek birini isteyim mayıstaki sağanaqlardan://Küçlü-küçlü yağıp yağmur alıp ketsin//Bayağı bezdirgen bizim qış-qıyanetli avasını." (ukraince Я навряд чи буду тим, ким я був до//Одного прошу травневих злив://Най би дощ пішов і зиму змив//І зиму змив)[4].
Atıflar[deñiştir | kodunı deñiştir]
- ↑ http://euromaidan.tsn.ua
- ↑ "Z ranku do noçi" studiyasından fotoresim 12 noyabrniñ 2015 s. arhivlengen.
- ↑ Yañı yır aqqında 22 dekabrniñ 2014 s. arhivlengen. mBlog.su
- ↑ diñlemek --> Soundcloud