Ukraina topraq bütünligi aqqında BM Baş Assambleyasınıñ qararı

QIRIMTATAR VİKİPEDİYASINIÑ MALÜMATI
Jump to navigation Jump to search

Ukraina topraq bütünligi aqqında BM Baş Assambleyasınıñ № 68/262 qararı 2014 senesi martnıñ 27-de BM Baş Assambleyası 68-ci sessiyasında BM devlet azaları tarafından açıq rey berüvnen qabul etilgen. 100 devlet rezolütsiyağa qoltuttı, 11 — qoltutmadı, daa 58 memleket bitaraf qaldı.[1] BM Baş Assambleyasınıñ bu oturışı mahsus Rusiye tarafından Ukraina topraqlarınıñ, ve hususan Qırım yarımadasınıñ silâlı işğali meselesini muzakere etmek içün çağırıldı.[2]

Qararnıñ (rezolütsiyanıñ) müellifleri[deñiştir | kodunı deñiştir]

Rezolütsiyanıñ müellifleri arasında Almaniya, Kanada, Kosta Rika, Litvaniya, Lehistan ve Ukraina çıqqan. Soñra daa bir çoq devlet müellifdeşlikke qoşulğan: Avstraliya, Avstriya, Belçika, Hırvatistan, Çehiya, Danimarka, Estoniya, Frenkistan, Gürcistan, İsveçiya, Türkiye, Büyük Britaniya, Amerika Qoşma Ştatları, İslandiya, İtaliya, Yaponiya, Norvegiya ve digeleri.[3]

Rey berüv[deñiştir | kodunı deñiştir]

Rezolütsiyağa BM-niñ 100 devlet azası, şu cümleden onıñ müellifleri, qoltuttı.

11 devlet rezolütsiyağa qoltutmadı: Rusiye, Ermenistan, Belarus, Boliviya, Kuba, Şimaliy Koreya, Nikaragua, Sudan, Suriye, Zimbabve, Venesuela.[4]

58 devlet rey berüvde bitaraf qaldı.

Rezolütsiyağa rey bergen memleketlerniñ haritası:

İhtarlar[deñiştir | kodunı deñiştir]

  1. Генасамблея ООН підтримала територіальну цілісність України Українська правда, 27 березня 2014 р. (ukrayna)
  2. Генеральна напівпідтримка Українська правда, 27 березня 2014 р. (ukrayna)
  3. Генасамблея ООН підтримала територіальну цілісність України Українська правда, 27 березня 2014 р. (ukrayna)
  4. Генасамблея ООН підтримала територіальну цілісність України Українська правда, 27 березня 2014 р. (ukrayna)

Bağlantılar[deñiştir | kodunı deñiştir]