Ukraina Nazirler Kabineti

QIRIMTATAR VİKİPEDİYASINIÑ MALÜMATI

Ukraina Nazirler Kabineti — Ukrainada nazirlerniñ şurası, Ukraina icraiy akimiyetiniñ meslekdeşlik, baş teşkilâtı. Ukraina Nazirler Kabineti Ukraina Prezidenti ve Ukraina Yuqarı Şurasına ögünde mesüliyetli olıp, Ukraina Anayasasında tayin etilgen sıñırlarda Ukraina Yuqarı Şurasınıñ nezareti altında buluna.

Faaliyet[deñiştir | kodunı deñiştir]

Ukraina Nazirler Kabineti öz faaliyetinde Anayasa ve Ukraina qanunlarına, Ukraina Prezidentiniñ fermanlarına ve Ukraina Yuqarı Şurasınıñ qanunlarına esaslana. Ukraina Nazirler Kabinetiniñ terkibinde Ukraina Baş Naziri, Baş Naziriniñ birinci muavini, Baş Naziriniñ beş muavini, nazirler. Ukraina Nazirler Kabinetiniñ faaliyetini Ukraina Nazirler Kabinetiniñ Kâtibiyeti temin ete.

Oturışlar[deñiştir | kodunı deñiştir]

Ukraina Nazirler Kabinetiniñ oturışları Baş Naziri tarafından çağırılıp, ekseriyeten er çarşenbe künü keçirile. Ondan ğayrı, Baş Nazir nevbetten tış oturışnı çağıruv aqqında qarar ala bile.

Nazirler Kabinetiniñ oturışlarında Baş Nazirniñ eñ çoq salâhiyeti bar. O, oturışlarda olmağanda, onıñ vazifelerini Baş Nazirniñ birinci muavini ala. Ukraina Prezidenti ve/ya da Yuqarı Şurasınıñ başı bulunması aqqında oturışnıñ başında bildirile. Oturışta Ukraina halq deputatları, Ukraina Baş prokurorı ya da onıñ muavini, İnsan aqları boyunca Yuqarı Şurasınıñ vekâletlisi, Milliy banknıñ başı ya da onıñ muavini, İnhizarğa qarşı komitetniñ başı, ve belgilengen nizamğa binaen Nazirler Kabinetindeki Ukraina Prezidentiniñ temsilcisi de iştirak ete bile.

Buñı daa baqıñız: Ukraina baş nazirleriniñ cedveli and Ukraina baş naziriniñ muavini