Timoti Snayder

Timoti Snayder
inglizce Timothy Snyder
Doğğan künü	1969 avgust 18(1969-08-18) (56 yaşında)
Doğğan yeri	Dayton[d], Ogayo, Amerika Qoşma Devletleri
Memleketi	Amerika Qoşma Devletleri
Zenaatı	tarihçı, yazıcı, edebiyat tenqitçisi, universitet ocası, politologiyacı, ilmiy hadim
Ömür arqadaşı	Marsi Şor[d]
Mukâfatlar	Hanna Arendt mükâfatı[d] (avgust 2013) Ralph Waldo Emerson Award[d] (2011) Marshall Scholarship[d] Antonovych prize[d] George Louis Beer Prize[d] (2003) Leipzig Book Award for European Understanding[d] (2012) Guggenheim Fellowship[d] (aprel 2017) Prize of the Foundation for Polish Science[d] (2018) The VIZE 97 Prize[d] (2015) Carnegie Fellow[d] (2015)
Wikimedia Commons saytındaki Multimedia fayllar

Timoti Devid Snayder (inglizce Timothy David Snyder, 1969 senesi arman ayınıñ 18-nde doğdı, Ohayo, ABD) — Amerikalı tarihçı ve yazıcı. Şarqiy Avropa tarihı mütehassısı, ayrıca Ukrayina, Poloniya, Rusiye tarihı. Esasen, XX-nci asırnıñ tarihınen oğraşa. Milletçilik, totalitarlıq, Holokost mevzularını tedqiq ete.

Tercimeialı

1969 senesi Deytonda (ing. Dayton), Ohayo (ing. Ohio) ştatında doğdı.

Onıñ anası Kristin Ğedli Snayder (ing. Christine Hadley Snyder) oca, muasebeci, ev bikesi; onıñ babası Estel Yucın Snayder (ing. Estel Eugene Snyder) mal ekimi.

Sentervilde (ing. Centerville) mektep bitirdi.

1987–1991 seneleri Braun Universitetinde (ing. Brown University) oqudı. Anda tarih ve siyasetşınaslıq sanaatından bakalavr unvanını aldı.

1991–1994 seneleri Oksford Universitetinde (ing. Oxford University) oqudı. Anda zemaneviy tarihtan doktorlıq unvanını aldı.

1994–1995 seneleri Pariste Milliy İlmiy Tedqiqler Merkezinde (fr. Centre national de la recherche scientifique) çalıştı.

1996 senesi Viyanada Gumanitar İlimler İnstitutında (alm. Institut für die Wissenschaften vom Menschen) çalıştı.

1997 senesi Ğarvard Universiteti (ing. Harvard University) Olin Strategiya Tedqiqleri İnstitutında (ing. Olin Institute for Strategic Studies) çalıştı.

1998–2001 seneleri Ğarvard Universiteti Uezerhed Halqara Munasebetler Merkezinde (ing. Weatherhead Center for International Affairs) çalıştı.

2001–2025 seneleri Yel Universitetinde (ing. Yale University) professor olaraq çalıştı.

2025 senesinden Toronto Universitetinde çalışa.

Snayder beş til bile ve on tilde oqup ola. Bu oña çeşit arhiv vesiqalarınen işte yardım ete.

O, 15 kitapnıñ müellifi. Onıñ emekleri İnglizce, Lehçe, Almanca, Norveççе, Ukrayince, Çehçe, Fransızca, Slovakça, Belorusça, İspanca ve Rusça tercime ve neşir etilgen.

Ukrayin tiline tercimeler

Ukrayince tercime etilgen kitaplar arasında şular bar:

• “Qırmızı şahzade”, arşidük Vilğelm von Ğabsburg (alm. Wilhelm von Habsburg) aqqında;
• “Qanlı topraqlar”, 1933–1945 seneleri arasında merkeziy–şarqiy Avropa aqqında;
• “Milletlerniñ çevirilüvi”, Jeç Pospolitadan Lehistan, Ukrayina, Litvaniya ve Belarusnıñ peyda oluvı aqqında;
• “Qara topraq”, Holokost aqqında;

Serbestlik, demokratiya ve zulum aqqında kitaplar sırası — “Serbestsizlikke yol”, “Zulum aqqında: XX-nci asır içün 20 ders”,  “Serbestlik aqqında”.

Ukrayinağa yardım

2014 senesi Rusiye tecavuzınıñ birnici kunleriden oña qarşı çıqtı. O vaqttan berli o, Ukrayinanıñ ittifaqdaşı. 2022 senesinden başlap faal şekilde çeşit ihtiyaclar içün para toplavına qoşula. Ayrıca, UNITED24 elçilerinden biri ola.