Radio

Radio (latince radio - şavle saçam) - radio sıqlığındaki elektrik-mıqnatis dalğalarınıñ vastasınen malümatnı telsiz cayratuv ve aluv usullarınıñ umumiy adı. Radio alâqası, radio yayınları, telekorüv, radio idaresi, faal radiolokatsiya sistemalarında malümat em alına, em de berile, passiv radiolokatsiya, pelengatsiya sistemalarında malümat tek alına. Radio eşittirüvlerine ve radio cihazlarına da qısqaca olsun dep "radio" deyler. XX asırda sıq qullanılğan telli abonent yanğıratqıçlarına da "radio" dey ediler. Em radio eşittirüvleri, em de vinil pilâkilerni diñlemek imkânını bergen cihazğa "radiola" dey ediler. Bir qutuda radio alıcısı, televizor, pilâki ifalağıç ve ya magnitofonnıñ birleştirgen cihaznıñ adı - radiokombayn.