Meral Konrat

Meral Konrat
türkçe Meral Konrat
Doğğan künü	1963 mart 11(1963-03-11) (63 yaşında)
Doğğan yeri	Karaman[d], Türkiye
Memleketi	Türkiye
Zenaatı	aktrisa

Meral Konrat (1963 senesi saban ayınıñ 11-nci, Karaman) — Türk aktörı, yırcı ve televizion ötkericisi.

Ayatı

Asılı Qırımtatar qorantasında dünyağa keldi.

Marmara universitetiniñ Güzel Sanat fakultetinde İnteryer mimarlığını ögrengen Konrat, studentliginiñ birinci yıllarında reklam filmlerinde rol alğan soñ, kinematografqa keçti. Birinci oynağan filminen mukâfat qazanğan soñ, diqqatını bu zenaat üzerinde topladı. Sanatçınıñ aktörlıqtan ğayrı, modellik, alıp barıcılıq, kliplerniñ rejisörlığı, prodüserlik ve senariy yazuvda tecribesi bar, em de “Men itiraf etem” adlı albomnı çıqardı. O, em de 1994 senesi yayınğa çıqıp başlağan “Vitrin” programasını TGRT telekanalında 2004 senesine qadar tolu 10 yıl devamında alıp bardı. Çoqtan berli çeşit telekanallarda farqlı formatlarda programalar alıp barğan Meral Konrat, er iş künü saat 10:00-da “Qaradeniz TV” telekanalında sabalıq programasını keçirdi, anda meşur musafirlerni qabul etti.

2004 senesi Türkiyedeki yerli saylavlarda Şişli rayonından Genç Parti firqasınıñ namzeti olaraq çıqış yaptı. Saylavda Mustafa Sarıgül ğalebe qazandı.

Filimleriniñ cedveli

Aktör olaraq

• 1988: Üçünci Köz
• 1988: Belâlı Kelin
• 1989: Allahım Sen Bilirsiñ
• 1989: Doktorlar
• 1989: Gülbeyaz
• 1989: Oyunnıñ Soñu
• 1989: İsa, Musa, Meryem
• 1990: Yalı
• 1991: Qaranlıqnıñ Soñu
• 1992: Anasınıñ Qızı
• 1992: Sarı Çeçek Soqağı
• 1993: Qıdıruv
• 1993: İşğal Altında
• 1993: Kederli Yıllar
• 1993: Tahmine
• 1993: Baarde solğanlar
• 1994: Qaderge 45 bar
• 1994: Saylav anbarı
• 1995: Qader
• 1995: Dört yol ağzı
• 1996: Solğan Gül
• 1998: Yaz sevgim
• 1998: Sevgi ve barışıq
• 1998: Baar ve Ümüt
• 2003: Sağlıqlaşuv
• 2004: Derya Geyiği
• 2005: Zehir ve Şifa
• 2012: Barınaq

Prodüser olaraq

• 1995: Qader
• 1996: Solğan Gül
• 1998: Sevgi ve barışıq
• 1998: Yaz Sevgim