Mefküre Mollova
| Mefküre Mollova | |
|---|---|
| Doğğan künü | 1927 İyül 22[1] |
| Doğğan yeri | |
| Ölgen künü | 2009 İyün 27[1] (81 yaşında) |
| Zenaatı | alim |
Mefküre Mollova (1927 senesi oraq ayınıñ 22-nde doğdı — 2009 senesi ilk yaz ayınıñ 27-nde vefat etti) — qırımtatar asıllı alim ve şair. Türkşınaslıq saasında doktorlıq disertatsiyasın qorçalağan Sofiya universitetiniñ profesorıdır[2].
Tercimeial
[deñiştir | kodunı deñiştir]Mefküre Mollova, 1927 senesi oraq ayınıñ 22-nde Romaniyanıñ Dobriç şeerinde (şimdi Bulğaristan) ocalıq yapqan qırımtatar muacirleriniñ qorantasında dünyağa keldi. Mefküreniñ doğğanından soñ anası çalışmağan, babası ise ocalıq yapqan, şu cümleden qızını da beşinci sınıfqa qadar "Nümüne" türk mektebinde ögretken. Bundan soñ, Mefküre eki yıl devamında Romaniya devlet mektebinde oqudı ve mında romen tilini mükemmelleştirdi ve frenk tilini ögrenmege başladı[3].
Ocalıq ve ilmiy faaliyeti
[deñiştir | kodunı deñiştir]1951—1961 seneleri
[deñiştir | kodunı deñiştir]Mollova, ilmiy faaliyetine 1950 seneleri Bulğaristandaki başlanğıç ve kiçik türk mektepleri içün türk tili ve edebiyatından imlâ kitapları, derslikler ve ilâhre azırlağan bir müellifler ve ocalar taqımınıñ parçası olaraq başladı. Mollova, bu ilk yıllarda Türk tili sarfınıñ müelliflerinden biri ve biri-biri artında sekiz kere neşir etilgen edebiyat dersliginiñ müellifi oldı[3].
Mollova, 1952—1953 seneleri qısqa bir müddet devlet hızmetçisi olıp çalıştı, soñra Eylülcü Çocuk[4] gazetiniñ muarririyetinde çalıştı ve 1953 senesi ilk qış ayında Sofiya universitetinde türkiy filologiya ihtisası üzre asistent vazifesini aldı — bu onıñ ocalıq ve ilmiy faaliyetiniñ başlanğıçı oldı[3].
Şiiriy faaliyet
[deñiştir | kodunı deñiştir]Mefküre Mollovanıñ ilk şiiri 1949 senesi "Yeni Işık" gazetinde Nesrin taqma adınen basılğan edi. Demet ve Kaynak kibi gazet ve mecmualarda şiirlerini derc etmege devam etti. Mollova, 1964 senesi Bulğaristanda türk tilinde öz küçünen şiirler cıyıntığını neşir etip olğan ilk türk şairidir. Kitabına qoşulğan ilk şiir 1947 senesi yazılğan ve "Kolejde" adını taşıy[3][5].
İhtar
[deñiştir | kodunı deñiştir]- ↑ 1,0 1,1 1,2 https://blacksearegion.eu/wp-content/uploads/2024/04/zeynep-zafer-and-nurie-muratova.-turkology-in-exile.-mefkure-mollova.pdf
- ↑ Yankova, Veneta (26 жовтня 2023). Beliefs in Good and Bad Days among the Tatars in Dobrudja and Among the Polish-Lithuanian Tatars (Preliminary Remarks). Lietuvos istorijos studijos. с. 109—124. doi:10.15388/Totoriai-Lietuvos-istorijoje.2023.9. ISSN 1648-9101 https://www.journals.vu.lt/lietuvos-istorijos-studijos/article/view/33448
- ↑ 3,0 3,1 3,2 3,3 Zafer, Zeynep; Muratova, Nurie (2022). Ti︠u︡rkologii︠a︡ v izgnanie: Mefki︠u︡re Mollova: biografichno izsledvane (PDF). DocWoment. Blagoevgrad: Universtitetsko izdatelstvo Neofit Rilski. с. 333. ISBN 978-954-00-0316-0 https://zenodo.org/records/13512277
- ↑ Yenisoy, H. (1997). Türkiye Dışındaki Türk Edebiyatları Antolojisi Bulgaristan Türk Edebiyatı 8, T.C. Kültür Bakanlığı Yayınları, Kültür Bakanlığı 32. Ankara. с. 264.
- ↑ Mefküre Mollova. www.biyografya.com https://www.biyografya.com/en/biographies/mefkure-mollova-d5b472d5