Mustafa Cemilev: Versiyalar arasındaki farq
k The file Image:Mustafa_Abdülcemil_Kırımoğlu.jpg has been removed, as it has been deleted by commons:User:Jameslwoodward: ''Per commons:Commons:Deletion requests/File:Mustafa Abdülcemil Kırımoğlu.jpg''. ''[[m:User:CommonsDelin... |
k resim |
||
| 1 satır: | 1 satır: | ||
[[Resim:Mustafa Dzhemilev1.jpg|right|thumb|200px|Mustafa Cemilev]] |
|||
'''Mustafa Abdülcemil oğlu Cemilev (Qırımoğlu)''' ([[1943]] d.) — [[Qırımtatar Milliy Areketi]]niñ belli erbabı, [[Qırımtatar Milliy Meclisi]]niñ reisi, evelde [[ŞSCB|sovet]] [[aq qоruyıcı]], [[dissident]]. |
'''Mustafa Abdülcemil oğlu Cemilev (Qırımoğlu)''' ([[1943]] d.) — [[Qırımtatar Milliy Areketi]]niñ belli erbabı, [[Qırımtatar Milliy Meclisi]]niñ reisi, evelde [[ŞSCB|sovet]] [[aq qоruyıcı]], [[dissident]]. |
||
Saifeniñ 20:07, 2012 s. iyülniñ 21 tarihındaki alı
Mustafa Abdülcemil oğlu Cemilev (Qırımoğlu) (1943 d.) — Qırımtatar Milliy Areketiniñ belli erbabı, Qırımtatar Milliy Meclisiniñ reisi, evelde sovet aq qоruyıcı, dissident.
Mustafa Cemilev 1943 senesi noyabr 13-de Qırım çölündeki Bozköy köyünde doğdı, lâkin qorantası Sudaq regionınıñ Ay Serez köyü tamırlı. 1944 senesi Mayıs 18-de cümle qırımtatar halqınen beraber Qırım'dan Özbek ŞSC'ne sürgün etildi. Taşkentteki aviatsion zavodta tornacı olıp çalıştı.
Aq Qоruyıcılıq
1961 senesi Mustafa Cemilev qırımtatar dostlarınen birlikte Qırımtatar Gençleri Birligi'ni meydanğa ketirdiler. 1969 senesi o “Şuralar Birliginde insan aqlarını qоruyıcı teşebbüskâr gruppa” temelcilerinden biri oldı. Antisovet faaliyeti içün sürgünlik ve apishanede episi olıp 15-ke yaqın yıl keçirdi.
İçtimaiy ve Siyasiy Faaliyet
1989 senesi Mustafa Cemilev ailesinen beraber Qırımğa Bağçasaray şeerine köçip keldi. Bundan biraz evelce ğıyabiy sürette Qırımtatar Milliy Areketi Teşkilâtı (QMAT) Merkeziy Şurasınıñ Reisi olıp tayin olundı. 1991 senesi iyün ayında uzun bir müddetten soñ ilk defa Qırımtatar Halqınıñ Qurultayı toplandı. O zamanda da bu teşkilâtnıñ prezidiumı — Qırımtatar Milliy Meclisi saylandı. Meclisniñ reisi olaraq Mustafa Cemilev saylandı. O bugünge qadar bu vazifededir.
1990 seneleriniñ ortasında Mustafa Cemilev Ukraina Halq Areketi (Народний Рух України) degen fırqanen yaqınlaştı. 1998 senesindeki parlament saylavlarında o Ukraina Yuqarı radasınıñ halq deputatı olıp saylandı (UHA fırqa cedvelinde 9 nomerası). 2002 senesindeki Parlament saylavlarında Mustafa Cemilev “Bizim Ukraina” blokunıñ saylav cedveliniñ 28 nomerası ile parlamentke kirdi. 2006 senesindeki parlament saylavlarında o kene “Bizim Ukraina” blokundan Ukraina Yuqarı Radası'nıñ deputatı oldı (bu sefer saylav cedvelindeki 45 nomerası).
Mukâfatlar
- "Nansen Mukâfatı" degen Birleşken Milletler Teşkilâtınıñ (BMT) Qaçaqlar işleri Yuqarı Komissarı idaresiniñ er yılki aq qоruyıcılıq mukâfatınıñ laureatı.