Televizion

Televizion, daa telekorüv ( ğarbiy avropalı tillerinden qadimiy yunanca τῆλε - uzaq  ve latince vīsiō- körüv sözlerinden alınğan) -aqiqiy vaqıtta sesli ozğaruvnen areket etken resimlerniñ telsiz yayınlavınen bağlı tehnologiyalarnıñ ve ameliya faaliyetiniñ bütün ceetlerni kirsetken umumiy ıstılası.

Telekorüv, uzlaşuv, kütleviy haber vastalarnıñ şiddetli aleti ola. Aynı zamanda, daa tar manasında telekorüv degende tehnika ve uyğun tehnikiy ilimniñ saasını dep belleyler.

Telekorüv degende daa auidovizual programmalarnıñ işlep çıqaruvını ve yayınlavını ya da satın alınğan audiovizul programmalarnıñ ve olarnıñ yayınlavlarınıñ ve tarqatıluvınıñ tehnikiy usullarına baqmadan olarnıñ tarqaluvınıñ tekmillevini dep belleyler.

Telekorüv, eksperimental şeklinde daa 1920 senelerniñ soñunda irişilir olğan. Ekinci Cian cenkten soñ siya-beyaz telekorüv yayınlavınıñ mükemmelleştirilgen şekli, AQŞ’da rağbet qazanğan, soñra ise dünyanıñ başqa ülkelerinde. 60 senelerniñ ortasında inkişaf etilgen ülkelerinde renkli yayınlavı, keniş sürette sirayet etilgen.  Betamax ve VHS kasetler, lazer diskler, fleş toplağıçlar ve resimlerniñ yazuv ve kösterüviniñ başqa kompakt usullarnıñ işlep çıqaruvı ile televizorlarnı tek teleyayınnıñ qabul etüvi içün degil, yazılğan malümatnıñ seyir etüvi içün de qullanmağa başladılar. İnternetniñ işlep çıqarılması ile İnternen-telekorüvi, peyda olıp inkişaf etile.

Televizor Braun HF 1, Almaniya, 1958