Vikipediya:Serbest Entsiklopediya (2021)/Qırımtatar versiyası

«Serbest Entsiklopediya: qırımtatar Vikipediyasını yazayıq» - qırımtatar Vikipediyasındaki maqalelerniñ yazıluvı ve yahşılaştırıluvı mevzusında bir marafondır. 15 iyün - 15 iyül 2021 s. tarihleri arasında keçirilecek ve Vikipediyanıñ qırımtatarnıñ til bölügine yetmegen eñ müim maqalelerniñ mevzuatına toplanacaqtır.

Marafon, Ukrainanıñ vaqtınca işğal etilgen topraqlarınıñ reintegratsiya meseleleri nazirligi ve «Vikimediya Ukraina» tarafından keçirilir (teşkilâtçılar, marafonnıñ ceryanını saylarlar ve eñ faal olğanlarını mukâfatlarlar, lâkin maqalelerniñ mündericesini kontrol etmezler; marafon, Vikipediyanıñ bütün qaydlerine uyar).

Eñ aktiv olğan iştirakçiler, teşkilâtçılardan suvenirlerni alacaqlar.

Marafon aqqında

Sudaqtaki Ceneviz qalesi - qırımtatar Vikipediyasında bir maqalege saip olmağan ve aynı zamanda pek müim olğan bir inşaatnıñ misalidir.

Vikipediya - dünyanıñ eñ büyük onlayn-entsiklopediyadır. O, bedava, reklamsız ve erkin bir litsenziya altında bütün insanlıqqa irişile bilgendir; onıñ 20 yıllıq bar olğanında biñlerce göñülli, 300den ziyade tilde 50 milliondan ziyade maqaleni yazdı.

Vikimediyanıñ areketniñ alğısı - bu «insanlıq tarafından toplanğan bütün bilgilerge er kesniñ bedava bir irişe bilgeni bir dünyadır».

Qırımtatar tilinde yazılğan Vikipediya 13 seneden ziyade bar ve keçenlerde 10 biñ maqaleniñ işaretini keçti. Bu, Qırımtatar tilinde olğan bilgileriniñ inkişafına pek büyük bir issedir. Faqat, yazıq ki, bizim til bölügimizde yeterli derecede aydınlatılmağan esas mevzular daa çoq bar; ayrıca esas añlamlar aqqında ya maqalelerniñ çoqusı pek qısqa ya da atta iç malümat yoqtır. Misal olaraq, geologiya, internet ya da Pablo Pikasso aqqında maqaleler yoq; em de qırım/ukrain müim meselesi aqqında bazı maqale yoq.

«Serbest Entsiklopediya: qırımtatar Vikipediyasını yazayıq» marafonınıñ maqsadı qırımtatar Vikipediyasına insanlarnıñ diqqatını celp etmek ve meseleniñ çezilmege başlamaqtır. Bu marafon, Ukrainanıñ vaqtınca işğal etilgen topraqlarınıñ reintegratsiya meseleleri nazirligi ve «Vikimediya Ukraina» cemaat teşkilâtı tarafından keçirilir.

Teşkilâtçılar, maqalelerniñ mündericesine tesir etmezler, lâkin eñ aktiv iştirakçilerni ediyelernen mukâfatlarlar (tafsilatlı tasvir aşağıdadır).

Marafonğa qoşulmaq içün 15 iyün - 15 iyül 2021 tarihleri arasında teklif etilgen cedveldeki maqalelerni ya yazıñız ya da yahşılaştırıñız.

Marafonnıñ keçirilüvi eki kriteriy altında olacaq:

• Vikipediyanıñ bütün til bölüklerinde bulunmağa kerekli olğan 1000 maqale;

• Ukrainanen, Qırımnen, qırımtatar medeniyetinen ve ananelerinen, tarihiy kişilerinen vb. bağlı olğan 100 maqale.

Konkursnıñ bütün iştirakçileri, mukâfatlar ve unutılmaz suvenirler içün yarışa bilirler. Teşkilâtçılar, bütün marafon çerçivesinde eñ büyük issesini (Vikipediyanıñ qaidelerine ve talaplarına uyğun olğan) qoşacaq 10 iştirakçilerni mukâfatlaycaqlar. Qoşma ediyeler ve namzetlikler olabilir, haberdar olıp turuñız.

İştiraknıñ qaideleri:

Marafon çerçivesinde qoşulğan isse, Vikipediyanıñ qaidelerine uyğun olmalıdır.

Ayrıca:

• Vikipediya - bu entsiklopediyadır! Bunıñ içün bütün maqaleler entsiklopedik şekilge saip olmalıdır;

• Vikipediya plagiatnı musaade etmez! Bunıñ içün bütün maqalelerniñ metni tamam iştirakçiler tarafından yazılmalı ve müelliflik aqlarını qozmamalıdır;

Vikipediyanıñ başqa til bölükleriniñ maqalelerini alıp, olarnı tercime ete bilesiñiz (meselâ, ukrain ya da ingliz bölükleriniñ maqalelerini) - amma tercime etkende maqaleniñ çevirilgen menbasını belgilemek kereksiñiz.

• Vikipediya özgün araştırmalarnı musaade etmez, bütün bes-belli olmağan fikirlerniñ menbalarına saip olmalıdır. Bunıñ içün maqaleler nufuzlı menbalarda (gazetalarda/mecmualarda/kitaplarda vb.) derc etilgen malümatqa esaslamalı ve maqalelerde menbalarnıñ bağlantıları olmalıdır.

• Maqalelerniñ malümatında terir etilmegen maşna tercimesi olmamalıdır.

Vikipediyanıñ qaideleri, maqaleniñ yazma algoritmi aqqında daa çoq bilmek içün malümat saifesini oquñız.

Diqqat etiñiz: konkret marafon çerçivesinde maqalelerni tek Qırımtatar tilinde ve teşkilâtçılar tarafında teklif etilgen cedveldeki (yani eñ müim olğan) maqalelerni yazamız. Vikipediyadaki başqa mevzularnen bağlı ya da başqa tillerde yazılğan maqalelerniñ taririne er vaqıt qoşula bilesiñiz, faqat böyle isse bu marafonnıñ issesi sayılmaz.

Yazmağa ve yahşılaştırmağa kerekli olğan maqaleler

Marafonğa qoşulmaq içün aşağı cedvellerdeki maqalelerni yazıñız ya da yahşılaştırıñız:

• Vikipediyanıñ bütün til böluklerinde olmağa kerekli olğan 1000 maqale

• qırımtatar ve ukrain mezvularında 100 maqale

Cedveller, mevzularğa köre bölüngen, meraqlardırğanıñız mevzularnı saylaya bilesiñiz.

İştitakçiler

Marafonğa qoşulğanıñıznı qayd etmek içün bu bölükke adıñıznı yazıñız. Bunı yapmaq içün esabıñızğa kirip, bu saifedeki «Tarir etmek» dögmesine basıñız ve imza qoyuñız (bunı yapmaq içün kodnıñ tariri rejiminde yañı satırğa keçip skrinşottaki belgilengen dögmege basıñız ya da işaretlerniñ tertibini yazıñız --~~~~). Bundan soñ cedvellerdeki maqalelerni yazıñız ve yahşılaştırıñız.

Malümat bilgileri ve kontaktları

Maqale nasıl yazmaq mümkün

Maqalelerni yazmaq maqsadınen tercime aletini qullanmaq qolaylı, endi bar olğan maqaleni ya Ukrain tilinden ya da başqa tilden tercime etmek içün. Bunı tapmaq içün:

1. Vikipediyada qayd oluñız (bunı bağlantını qullanaraq yapa bilesiñiz, qayd oluvı eki daqiqa ala) ve esabıñızğa kiriñiz

2. Tercime etmege istegeniñiz maqaleni ve til versiyasını saylañız (teklif etilgen maqalelerniñ cedvelindeki yeşil zeminde bulunğan plüs işareti başqa til bölügindeki bu maqalege alıp bara; skrinşotqa baqıñız)

3. Bu bağlantına basıp tercime aletini açıñız

4. «Yañı tercime» dögmesine basıñız (skrinşot)

5. Tercime etecegiñiz tilini saylañız (skrinşot)

6. Maqaleñizni Qırımtatar tiline tercime etecegiñiz tilde tapıñız (skrinşot)

7. «Tercime etmege başlamaq» mavı dögmesine basıñız

8. Satır başlarını tercime etip maqaleni çeviriñiz. Yazıq ki, avtomatik tercime, Qırımtatar tili içün irişile bilmegeninden maqaleni özüñız tercime etmelisiñiz

9. Maqaleni tercime etip yayınlañız (skrinşot)

Tercime maqaleniñ yazmasınıñ eñ çabik usulı olsa da, onı qullanmaya bilesiñiz; yuqarıda qayd etilgen qaidelerge riayet etip onı özüñiz tam başlanğıçtan yaza bilesiñiz (diqqat etiñiz ki, tış menbalardan metinler kopiyalanmaz, başqa tilden tercime bile olmaz; tek Vikipediyanıñ başqa til bölüklerinden maqaleni alıp onı söz-sözüne tercime ete bilesiñiz, başqa allarda özüñiz metinni yazmalısıñız).

Qoşma malümat

Vikipediya aqqında sıq sıq rastkelgen sualler:

19 eñ populâr sualge cevap beremiz

Vikipediyanen tanışuvımnı nasıl başlaya bilem: faydalı bağnatlılar

Ukrain bölügi misalinde bir maqale yazmaq içün video talimatı

Sual bermek

Vikipediyanen bağlı sualleriñiz olsa, teşkiliy taqımnıñ Fed4ev azasına muracaat ete bilesiñiz (ya muzakere saifesinde ya da vikipoçtanı qullanaraq). Umumiy teşkiliy sualleriñizni info@wikimedia.org.ua poçtasına yaza bilesiñiz.