Korsovetskıy Orest
| Korsovetskıy Orest | |
|---|---|
| Doğğan künü | 1925 avgust 9 |
| Doğğan yeri | |
| Ölgen künü | 2000 sentâbr 7 (75 yaşında) |
| Zenaatı | yazıcı |
Korsovetskıy Orest (1925 s. arman ayınıñ 9-ı, Klembivka, Vinnıtsâ vilâyeti, Ukrayina — 2000 s. ilk küz ayınıñ 7-si, Qırım, Ukrayina) — ukrayin şairi, riyaziyatçısı, halq ağızı yaratıcılığıcısı ve pedagogı.
Tercimeial
[deñiştir | kodunı deñiştir]Ocanıñ qorantasında doğdı. 1933 senesi Holodna Balkada, Donetsk vilâyeti, mektepte tasil başladı.
Alman-SSRB cenkiniñ başında Orestniñ ana-babası Romankove köyünde (şimdi — Kamyanskeniñ qısımı), Dnipropetrovsk vilâyeti, ocalar olaraq calışa ediler. 1942 senesi Kamyanskede № 26 orta mektepni bitirdi. Yazda 1942 senesi Dnipropetrovsk Ukrayina Devlet Universitesine tilşınaslıq bolugine özüniñ vesiqasını alıp berdi. Lâkin 1942 senesi universitte tasilni bitirdi.
Alman işğali devamıda Orest Romankove köyüniñ gizli vatanperver yaşlar grupasınıñ azası ola edi, partizan areketinde iştirak ete edi. Gizli grupanıñ komandirniñi emirine köre o, bildirmeniñ metinleri, halq küreşi aqqında şiirler yaza edi.
Kamyanske deokupatsiyasından işğalden azat etken soñ Kızıl Orduğa Orestni mobilizatsiya etilgen. O, bütün Ukrayinanı boyunca uruşnen keçe edi. Çehoslovakiyada cenkni bitire. 1948 senesi demobilizatsiya etilgen.
1948 senesi Nemıriv pedagog oquv yurtunıñ giyabiy bölügine (Vinnıtsâ vilâyeti) kirdi. 1950 senesi Vinnıtsâ pedagog institutına tilşınaslıqnıñ giyabiy bölügine «Ukrayina tili ve edebiyatı» zenaatına kirdi. İnstituttan soñ oca olıp calışa edi. Bu vaqıtta rayon gazetelerinde, «Dnipro» mecmuası derc etile edi. Da halq ağızı yaratıcılığını cıya edi.
1958 senesi Qırımğa köçti. Aqmeçit rayonında ocalıq yapa edi. 1966 senesi Çukotkağa köçti, anda 21 yıl devamında yaşay edi. Anda da oca olıp calışa edi; topraqşınaslar, nebatiyatçılar ve yerşınaslarnıñ ekspeditsiyalarında iştirak ete edi, ve «masa içine» olsa da, yazmağa devam ete edi.
1987 senesi nefaqağa çıqqan soñ Orest Qırımğa, Aqmeçitke qayttı. Aynı senesi onıñ birinci şiirler «Ayuv izindençadır» cıyıntığı neşir etile. Qırımda şiirlerden ğayrı, ukrayin «Krımska svitlıtsya» gazetasına, hususan, milliy ğayeni tasdiqlamağa ve rus büyük devlet şovinizmine qarşı yönelgen bir çoq maqalelerni faal yaza edi. Onıñ teşebbüsinen ve doğrudan-doğru iştiraginen«Prekrasnaya Havan» almanahı — Aqmeçit rayonınıñ şairleri neşiri neşir etile. Orest onıñ ekinci neşiri körip yaşamadı. 2000 senesi ilk küz ayınıñ 7-ı öldi. Onıñ ekinci şiiriy «Zaman yeli» cıyıntığı ölümden soñ neşir etildi.
Aqmeçit sakinleriniñ, hususan qırımtatarlarnıñ teşebbüsinenyerli kitaphanege Orest Korsovetskıynıñ adı berildi.
Onıñ icatında keniş coğrafik bar — Ukrayina, hususan Qırım, Çukotka. O, cenk mevzusına toquna, onıñ icadında ayrıca yerni qırımtatarlarnıñ faciası aqqında şiirler alalar.
İhtar
[deñiştir | kodunı deñiştir]- Корсовецький Орест [Arhivlengen 12 квітня 2013 у Wayback Machine.]
- Зміст творів [Arhivlengen 5 березня 2016 у Wayback Machine.]
- Биобиблиографический указатель «Орест Корсовецкий. Поєт, педагог, патріот», составленный библиографом Н. Н. Сафроновой.
- Губар О.І. Чорноморська хвиля. Донецьк: Український культурологічний центр. 1995. 240 с.
- Сучасні українські письменники Криму : навч. посіб. з укр. літ. для навчальних закладів Криму / О. І. Губар. - Сімферополь : Кримнавчпеддержвидав, 1997.