Keriç yarımadası

Keriç yarımadası — Qırım yarımadasınıñ şarqiy qısmı.

Yerleşüv

Keriç yarımadası — Qırımnıñ şarqında.

Şimalinde Azaq deñizi, şarqında Keriç boğazı, cenübinde Qara deñiz buluna, ğarpta keñligi 17 km olğan Aq Monay boynu onı Qırım yarımadasınen birleşe. Meydanlığı 3 biñ kvadrat km-ge yaqın.

Coğrafiya

Şimal-şarqiy qısmında — bayırlar (yüksekligi 190 metrge qadar), esasen kireçtaşlardan, çamurlardan ve qum taşlarından ibaret. Çoq balçıq yanardağı bar. Keriç yarımadasınıñ cenüp-sarqiy qısmı tüzlüktir, esasen paleogen çamurlarından ibaret. Keriç yarımadasında göller ve muvaqqat özen yataqları bar.  İqlim orta qıtaviy, qışları orta yımşaq, deyerlik qarsız, yazları sıcaq ve quru.

Qara qış ayında orta araret −1,5 °C, oraq ayında +23,5 °C. Yağmurlar yılda 500 mm olur. Küçlü şarqiy ve şimaliy-şarqiy yeller esip tura. Topraqları — cenübiy qara topraqlar ve qoyu kestane tüslü, çoq vaqıt tuzlu. Yüzniñ büyük qısmı sürülgen.

Keriç yarımadasında, Keriç demir rudası havuzı bar. Keriç yarımadasınıñ şerefine Kerçenit mineralı adlandırğan.

Yarımadada, milâttan evel V asırdan milâttan soñ IV asırğa qadar Bospor Qırallığınıñ Avropa qısmı, paytahtı Pantikapey, (zemaneviy Keriç) yerleşe edi.

Menbalar

• Keriç yarımadası 24 Березня 2012 arhivlengen. Büyük sovet entsiklopediyasında.

Bağlantılar

• A. TEVELEV Keriç yarımadasınıñ soñki tektonikası 11 Saban ayı 2007 arhivlengen. 
• Keriç yarımadası ve Opuk burnu5 Saban ayı 2016 arhivlengen.