Ceneviz qalesi (Kefe)

Ceneviz qalesi — Kefe şeerindeki (Qırım, Ukraina), XIV asırda cenevizler tarafından qurulğan qale.

Kefe körfeziniñ yalısında, şeerniñ cenübiy tarafındadır. Orta asırlarda Kefe (italyanca Caffa) şeeriniñ qalesi edi. Şimdi qaleniñ qalımtıları tarihiy-mimariy qoruqtır.

Tarih

Qale, Qalentir bayırı etrafında, deñiz tarafındaki duşman içün ilk mania ola bilgen tik caplarda qurulğan. Qurucılıq 1340 senesinden başlap, 1343 senesine qadar devam etken edi.

XIX asırda binalarnıñ çoqusı dağıtılğan edi. Künümizge qadar qaleniñ cenübiy ve ğarbiy divarınıñ parçası saqlanıp qaldı. Baş qapınıñ pilonlarını da bugün körmek mümkün. Saqlanıp qalğan divarlarnıñ umumiy uzunlığı — 469 m.

Ceneviz qalesi (Qalentir)

Qaleniñ divarları. Milliy mimarlıq abidesi

Qaleniñ divarları. Milliy mimarlıq abidesi.

Menbalar ve bağlantılar

• Kefe, XIV—XV asırları Ceneviz qalesi.
• Ceneviz qalesi 5 oktâbrniñ 2008 s. arhivlengen.