Ayder Aliyev

QIRIMTATAR VİKİPEDİYASINIÑ MALÜMATI
Jump to navigation Jump to search
Ayder Aliyev
Doğğan künü:1952 fevral 21(1952-02-21) (69 yaşında)
Doğğan yeri:Q17302474?, Yurinsky District[d], Mari Autonomous Soviet Socialist Republic[d], Rusiye Şuralar Federativ Sotsialist Cumhuriyeti, Şuralar Sotsialistik Cumhuriyetleri Birligi
Memleketi:Flag of the Soviet Union.svg Şuralar Sotsialistik Cumhuriyetleri Birligi
Flag of Ukraine.svg Ukraina
Oquğan universitetiUzbekistan State Institute of Arts and Culture[d]
Zenaatıeykeltraş

Ayder Enver oğlu Aliyev - belli qırımtatar heykeltraş ve grafikacı.

Tercimeial[deñiştir | kodunı deñiştir]

Ayder Aliyev 1952 senesi fevral 21-de Mari ASSRniñ Kozikovo köyünde doğdı. 1972 senesi Taşkentteki P. Benkov adına cumhuriyet ressamlıq oquv yurtunı, 1977 senesi A.N. Ostrovskiy adına Teatr-ressamlıq institutını bitirdi. 1988 senesi SSSR Ressamlar birliginiñ azası oldı.⁣[1]

1980-1990 senelerinde Ayder ağa Aliyev büyük monumental obyektlerni yarata, olarnıñ arasında ‘Çimiyon’ bütünittifaq şifahanesi, Al-Ferğani adında vilayet kitaphanesindeki relyef-panno. Usta faal surette bütünittifaq ve cumhuriyet sergilerde iştirak ete.⁣

1990 senesi qorantasınen beraber Qırımğa köçti. Bütün menfiy ve elverişsiz şartlarğa baqmadan, heykeltıraş saasında faal çalışa.

Şimdi usta Aqmescitte yaşay ve sanat eserlerini yaratmağa devam ete.

Çalışma[deñiştir | kodunı deñiştir]

Ayder ağanıñ aytqanına köre Qırımda birinci çalışması Bağçasarayda İ. Gaspıralığa bağışlanğan memorial kompleksi edi (1995 s.).⁣ [2]

Onıñ soñraki çalışması Aqmescitteki İsmail Gaspıralınıñ heykelidir (1998 s.). 2005 s. ‘Yañıdan yaratıluv’ adlı monumentini yarata, aynı şu çalışma Taras Şevçenko adına Ukrayna Milli mukâfatınen taqdirlengen edi.⁣

Qırım Muhtar Cumhuriyetinde nam qazanğan ressamnıñ yaratqan heykelleri Aqmescit, Bağçasaray, Ceyhan şeerlerinde yerleştirilgen.

Eserleri Cumhuriyet Qırımtatar medeniy-tarihiy miras muzeyinde, İzmir (Türkiye) şeerindeki 'İsfaş' galereyasında, em de AQŞ, Almaniya, Özbekistan, Litvaniya, Türkiye, Rusiye, Ukrainanıñ muzeylerinde ve hususiy kollektsiyalarında buluna.

  1. http://gasprinskylibrary.ru/events/event/ayder-aliev-1952-hudozhnik-skulptor-2/
  2. https://www.instagram.com/p/CCG4pQEA5ni/?utm_source=ig_web_copy_link