Svitlana Zalişçuk

Svitlana Zalişçuk
Svitlana Zalişçuk
	ukraince Світлана Петрівна Заліщук
Doğğan künü	1982 oktâbr 24 (42 yaşında)
Doğğan yeri	Jaşkiv, Çerkası vilâyeti, Ukrain Şuralar Sotsialist Cumhuriyeti, Şuralar Sotsialist Cumhuriyetleri Birligi;
Memleketi	Ukraina;
Zenaatı	siyasetçi, jurnalist
	Медиафайлы на Викискладе

Svitlana Petrivna Zalişçuk (ukraince Світлана Петрівна Заліщук; Ukrainanıñ Çerkası vilâyetindeki Jaşkiv şeerinde, 1982 senesi oktâbrniñ 24-ünde doğdı) - Ukraina Yuqarı Radası VIII çağırılışınıñ deputatı, çetel işler komitetiniñ azası, cemaat lideri, jurnalist ve aq qorçalaycı. "DemAlyans" fırqası siyasiy şurasınıñ azası, 2016 s. noyabrniñ 19-ına qadar şu fırqanıñ reis muavini edi.

Tasil

2006 senesi Taras Şevçenko adına Kiyev milliy universitetiniñ Jurnalistika institutını bitirip alâ diplom ile magistr derecesini qazandı.
2008 senesi Con Smit (Büyük Britaniya) programmasınıñ stipendiantı edi, demokratik institutlarnıñ çalışmalarını ögrendi, Dauning-strit, 10-da, Glazgo ve Londondaki BBC ofislerinde, Britaniya parlamentiniñ azalarınen körüşüvler ve çalışmalar keçirdi.
2011 senesi Draper Hills Summer Fellowship (Stenford) staj işlerinden keçti.

Ükümet idaresindeki faaliyeti

2005 s. iyül – sentâbr: Ukrainanıñ Avropağa intergatsiyası işlerini baqqan Baş nazir muavininiñ matbuat kâtibi.
2005 s. sentâbr – 2006 s. oktâbr: Ukraina Prezidenti ştabı reberiniñ ve informatsion–taliliy işler departamenti reberiniñ matbuat–kâtibi.
2006 – 2009 seneleri: Avropa ve Avropa-Atlantik işleri Prezident mesleatçısı ştabınıñ reber muavini.

Jurnalist faaliyeti

2001 - 2003 seneleri: "Mir kommunikatsii" milliy student mecmuasınıñ baş muarriri.
2002 – 2004 seneleri: "Perspektiva TV" birleşmesinde em muarrir, em de jurnalist olıp çalıştı.
2003 senesi: "Perşiy kanal"da jurnalist olıp çalıştı. Aktual siyasiy ve medeniy problemlerni açıqladı.
2004 - 2005 seneleri: "5-inci kanal"da halqara mühbiri olıp çalıştı ve 2-nci kursta oqudı. Leonid Kuçma prezidentligi zamanında narazılıq mitinglerinde iştirak ete.
2009 senesinden bugünge qadar Ukrainadaki çeşit medialarnıñ ("Novoye vremâ". "Ukrainskaya pravda", "Delovaya stolitsa" gazetaları ve "Volontör" mecmuası) mühbiri.
2012 senesi "Tvi" telekanalda "Vıborı 2012: Z inşogo boku" programmasınıñ müellifi ve ötkericisi edi.

Cemaat faaliyeti

2013 senesi başlanğan ve 2014 senesi Menlik inqilâbınıñ sebebi olğan Ukrainada demokratik deñişmeler oğrunda küreşniñ liderlerinden birisi. "Birleşken areketlerniñ merkezi" (Центр об'єднаних дій) adlı Kiyevdeki cemaat teşkilâtınıñ tesisçilerinden birisi ve icra müdiridir.

2014 senesi "Reanimatsiya islâatları paketi" (Реанімаційний пакет реформ) grajdanlıq platformasınıñ teşkilâtçılarından biri. Bu platforma onlarca qanun leyhalarını işlep çıqarıp Ukraina parlamenti olarnı qabul etken.

ÇESNO (ЧЕСНО) teşkilâtınıñ koordinatorı ve teşebbüsçilerinden biri. Yüzlerce teşkilâtlar birleşip ükümet sektorında qabarcılıqqa qarşı küreş alıp bardılar.

Stop Censorship itibarlı jurnalist teşkilâtınıñ azası ve tesisçilerinden biri.

Siyasiy faaliyeti

Svitlana Zalişçuk Ukraina Yuqarı Radasında

Svitlana Zalişçuk belli jurnalistler Mustafa Nayyem ("Gromadske telebaçennâ") ve Sergiy Leşçenkonen (" Ukrainskaya pravda") ile beraberlikte Yuqarı Radağa "Blok Petra Poroşenko" fırqasından saylavlarda iştirak etti ve cedvelde 18 yer qazandı.

Mustafa Nayyem ve Sergiy Leşçenkonen beraberlikte "Yevromaydan"ğa qol tutqan fırqalar saylav ştablarına yazılğan muracaatqa qol tuttı ve neticede Yanukoviçniñ rejimine ve separatistlerge qarşı çoqusı demokratik namzetlerge rey berildi. Saylavlarnıñ neticesinde 2014 senesi oktâbrniñ 26-sında Ukraina halq deputatı olaraq saylandı.

2014 senesi noyabr aydan bugünge qadar – Ukraina parlamentniñ halq deputatı (Yuqarı Şura)

Ukraina Yuqarı Şurada çetel işler boyunca komitetniñ Avropa – Atlantik işbirligi ve Avropa bütünleşme işler boyunca bölükniñ reisi. Svetlana Zalişçuknıñ parlament işlerniñ faaliyetinde milliy i halqara kampaniyalar demokratik ve havsızlıq boyunca , insan aq-uquqlar,antidiskriminatsion, korruptsiyanen küreş boyunca teşkilâtlarnı teşkil etken. Bu saada 30-dan ziyade qanun leyhalarnıñ müelifi sayıla. Ukraina ve Büyük Britaniyanıñ arasında parlamentler dostluq arasında taqımnıñ reislerden birisi. Ukraina – Norvegiya ve Ukraina – Gürcistan parlamentler arasında dostluq taqımlarnıñ azası.

Gendernen bağlı mevzularınen vazifeli " Ravnıye vozmojnosti" birleşmeniñ azası.

2015 senesi fevral aydan "Yevrooptimistı" fraktsiyalarnıñ arasında "BPP", "Narodnıy front", "Samopomoşç" ve "Batkovşçina" firkalar kirgen birleşmeniñ azası. Ukrainada "Otkrıtıy parlament" platformanıñ ve Milletler Birleşmeniñ Teşkilâtnıñ (OON) "Otkrıtoye pravitelstvo" arasında işbirlikniñ tesisçilerden birisi.

2015 senesi Svetlana Zalişçuk S. Leşçenkonen beraber Ukrainada LGBT- praydqa açıq qoşulğan deputatlardan birincileri ediler.

Milletler Birleşme Teşkilâtında (OON), Avropa Şurasında, Avropa Birliginde ve başqa halqara meydançıqlarda Ukrainanı taqdim etmek içün aktiv çalışmalar alıp bara.

2015 senede dekabrde keçirilgen antikorruptsion forumnıñ iş gruppasınıñ azası. BPP, Batkivşçina ve Odessa vilâyetniñ idare başı Mihail Saakaşvilinen beraber, David Sakvarelidze, Vitaliy Kasko beraberlikte 2016 senesi yazda "Demokratiçeskiy alyans" firkanı teşkil ettiler. 2016 sene iyül ayında Svetlana Zalişçuk, M. Nayyem ve S. Leşçenko firkanıñ azaları olalar ve Svetlana 4 ay devamında reislerden biri saylandı.

2015 senesi yanvardan 2017 senesi yanvar ayına qadar - Avropa şuranıñ Parlament assambleyanıñ azası.

Ukraina adından insanlarnıñ aq –uquqlar boyunca rezolütsiyalarnı ilerilemek içün çalışmalar alıp bardı.

Antidiskriminatsion ve teñlik komitetniñ azası edi. İlim, medeniyet, tasil ve kütleviy matbuat vastalarnıñ komitet reis muavini edi.

2014 senesi iyül aydan Bütündünya Demokratik areketniñ idare komitetniñ azası. İdareni Milliy demokratik fondu (Vaşington) teşkil etti ve insanlarnıñ aq –uquq boyunca işler alıp baralar.

Ukrainalı siyasiy lider kibi, Svetlana Zalişçuk daima halqara kütleviy matbuat vastalarda daimiy kommentator : amerikalı "New York Times", frenkistanlı "Le Monde",almanlı "Bild", isveçrilı "Le Temps" ve "Tages Anzeiger", britaniyalı "Open Democracy".

LEKTSİYALAR VE PREZENTATSİYALAR

2009 seneden başlap, şimdiki zamanğa qadar Milliy Devlet Universitette T. Şevçenko adındaki Jurnalistik institutında lektsiyalar oquy. Çetel universitetlerde AQŞ Corc Vaşington universitetinde, Avropada Oksford universitetinde, Berlinde Serbest universitetinde, Gumboldt, Potsdam, Vilnüss universitetlerde lektsiyalar oquy.

Halqara ve regional forumlarda AŞ Parlamentte, Avropa Şurada, Milletler Birleşme Teşkilâtta (OON) , Münhen konferenste havsızlıq ve demokratik, tış siyaseti boyunca esas maruzacı ola.

QIYMET DERECELERİ

Vaşingtonda olğan Amerika – ukrainalı fondı "40 under 40 Ukrainians" leyhada Svetlana Zalişçuknı Ukrainada 2013 senesi yañı lider tanıldı. "Fokus" ve " Novoye vremâ" mecmualarnen 2015, 2016, 2017 senelerde Ukrainada 100-den itibarlı qadınlardan birisi tanıldı. Havsızlıq Münhen konferenste 2016 senede alman "Vild" gazetesi onı " Münhen hafsızlıq konferensni "EÑ CESÜR" qadın tanıdı. 2016 senesi Anna Lind mukâfatnen taqdirlendi.

MERAĞI

Seyhatlar, oumaq, çapqalamaq (sport), kino (sinema)

İÇTİMAİY AĞLAR

Svetlana Zalişçuk öz akkautlarda Facebook ve Twitter- de bayağı abuneciler bar.

SAYLAMA ÇIQIŞLAR VE DERC OLUĞAN İŞLERİ

1 Svitlana Zalishchuk: Break-neck speed budget, Kyiv Post (December 29, 2014)

2 Poroshenko will have to deliver, Kyiv Post (May 29, 2014)

3 Svitlana Zalischuk | PDF Poland-CEE 2014 16 noyabrniñ 2018 s. arhivlengen., personaldemocracy.com (Warsaw: March 13, 2014)

4 From iPhone to iDemocracy: Lessons from Ukraine 16 noyabrniñ 2018 s. arhivlengen., personaldemocracy.com (NYC: June 7, 2013)

5 Svitlana Zalishchuk | Changing Roles of the Civil Society 16 noyabrniñ 2018 s. arhivlengen., personaldemocracy.com (Warsaw: February 1, 2013)

6 From Maidan Square to the European Parliament: Public hearing on Ukraine with members of Ukrainian opposition 20 aprelniñ 2017 s. arhivlengen., greenmediabox.eu (December 11, 2013)

7 Kiev Must Launch Reforms, The Moscow Times (May 28, 2014)

8 La parlementaire Svitlana Zalishchuk évoque la crise politique qui secoue l'Ukraine (in French), Radio Télévision Suisse (February 2016)

9 L’Ukraine ne tolère plus la corruption, voilà le vrai changement 3 iyülniñ 2016 s. arhivlengen. (in French), Le Temps (24 février 2016)

10 Putin hat es in der Hand, den Konflikt zu beenden (in German), Tages Anzeiger (March 5, 2016)

11 Has Ukraine's 'Revolution of Dignity' left women behind? 2 iyülniñ 2017 s. arhivlengen., opendemocracy.net (October 26, 2015)

12 Ukrainian Nationalists Post Photo Album Threatening LGBT Activists, BuzzFeed News (June 9, 2015)

13 Parliamentary Elections Show Political Turmoil Is Continuing in Ukraine, New York Times (October 25, 2014)

14 Election of President Seen as a Beginning to Repairing Ukraine, New York Times (May 24, 2014)

15 Ukraine: l'émergence de la "génération Maïdan" aux législatives (in French), Le Point (23 octobre 2014)

16 La nouvelle bataille de Kiev (in French), Le Monde (04 april 2015)

17 Le report de l'accord entre Kiev et l'UE déclenche une tempête (in French), Tribune de Geneve (15 septembre 2014)

18 Génération Maïdan (in French), Le Monde (11 april 2014)