Qırımda yaşa (yır)
"Qırımda yaşa"[1] – Seyran 7'62 ile Afize Yusuf-qızınıñ birlikte yaratqan yırı. Rep beyitleriniñ sözlerini yazğan – Seyran Halilov, bağlama ve nağmeniñ müellifi – Afize Yusuf-qızı, kemane çalğan – Rustem Qurtmemetov.
| “ | Niayet "Tatlı ses" kontsertinde Seyran Halil ile icra etkenimiz yañı "Qırımda yaşa" yırını taqdim ettik. Bu yırnı biz üç ay gizli tuttıq, ğayesi ise ATR işdeşlerimden keldi. Zamanımızğa aktual bir mevzu alıp biz yañı bir üslüpte duet yapmaqnı tüşündik. Seyran 7'62 ile icadiy işbirlik neticesinde yañı yır peyda oldı. Seyrannıñ oquğan sözlerini o özü yazdı, muzıka ve bağlamanıñ müellifi ise menim. İstidatlı çalğıcı Rustem Qurtmemetov kemaneniñ ince sesi ile yırımıznı yaraştırdı. Aranjirovkanı ise Osman Cemalâdinov azırladı. Yırnı sadece bir usul kibi qullanıp biz aytmağa istegenimizni vatandaşlarımıznıñ qalplerine yetkizdirmege tırıştıq. "Qırım evlâdı olsañ, mutlaq Qırımda yaşa"... Biz halqımıznı Vatanını qaldırmamaq, Allahqa şükür etip, doğru yolda areket etip Yurtumızda yaşamağa çağıramız. İnşallah maqsadımızğa yettik, ve bu yır kerçekten de diñleyicilerge tesir etip olarğa asıl ğayemizni yetkizir. | ” |
dep, öz Facebook saifesinde Afize Yusuf-qızı yañı yır çıqqanını izaat etti.
Menbalar
[deñiştir | kodunı deñiştir]- Seyran 7,62 ve Afize Yusuf qızı "Qırımda yasa" yırnıñ aqqında 4 yanvarniñ 2015 s. arhivlengen. – Saba erte ATR-de (2014 dekabr 22)