Gaspra

QIRIMTATAR VİKİPEDİYASINIÑ MALÜMATI
şeer şeklinde qasaba
Gaspra
ukr. Гаспра
rus. Гаспра
Bayraq Tuğra
Bayraq
Bayraq
Tuğra
Tuğra
Memleket Rusiye/Ukraina[1]
Region Qırım Muhtar Cumhuriyeti[2]/Qırım Cumhuriyeti[3]
Şeer şurası Yalta şeer şurası
Coğrafiy koordinatalar Koordinatlar: 44°26′10″ ş. e. 34°06′38″ ş. b. / 44.436111° ş. e. 34.110556° ş. b. (G) (O) (Я)44°26′10″ ş. e. 34°06′38″ ş. b. / 44.436111° ş. e. 34.110556° ş. b. (G) (O) (Я)
Meydanlıq 5 km²
Yükseklik 50 m (deñizge nisbeten)
Eali
  • 10.310 kişi (2014)
Eali sıqlığı 2062 kişi/km²
Saat quşağı UTC+3
Telefon kodu +7 3+380-654
Poçta indeksleri 298660 — 298669
Resmiy sayt http://www.gaspra-ps.crimea.ua/
Gaspra (Qırım)
Gaspra
Gaspra
Gaspra (Yalta)
Gaspra
Gaspra

Gaspra (ukraince Гаспра, rusça Гаспра) — Qırımnıñ cenübiy yalı boyunda, Yalta regionında, Yaltadan ğarpqa taba 12 km qadar uzaqlıqta bulunğan bir qasabadır. Gaspra terkibinde Qurucılıq şeerçigi (Стройгородок) ve Marat maalleleri bar. Gaspranıñ ğarbiy yanından Koreiz qasabasınen sıñırdaş.

Gaspranıñ adı «aspro» degen yunan sözünden asıl oldı, tercimesi — aq (tüs).

Rus edebiyatında Gaspra aqqındaki ilk añma acayip seyaatçı ve naturalist akademik Peter Simon Pallasqa mensüp. O 1793—1794 seneleri Qırım boyunca seyaat etkeni aqqında meraqlı tezkereler yazdı.

Gaspra qasabası şerefine 951 Gaspra isimli asteroid adlandırılğan.

Gaspra — Qırımnıñ yalı boyundaki eñ yahşı kurortlardan biri. Mında bir çoq sanatoriy, pansionat, bağça, tar yolçıq, plâj bar. Gaspra iklimi bütün Ukraina yerlerine köre eñ issi iklimlerden biri (Mishor da böyle).

Gasprada eki mektep bar: Qurucılıq şeerçiginde (1-3 seviyeli) ve Maratta (yalıñız 1-ci seviyeli).

Naqliye[deñiştir | kodunı deñiştir]

Avtobus marşrutları:

  • 47 marşrut — Koreiz (yuqarı Mishor) Yalta (merkez) ile bağlay, Gaspra içinden keçe.
  • 26 marşrut — Simeiz-Yalta (avtovokzal).
  • Bundan da ğayrı Gaspra içinden 32 marşrut ve Forosqa barıcı reys avtobuslar keçeler.

Mahsus itibarğa lâyıq yerler[deñiştir | kodunı deñiştir]

  • Qarılğaç Yuvası (1911-1912 seneleri, mimar — A. Şervud);
  • Gaspranen Livadiya bağlağan «Küneşli tar yolçıq»;
  • Tavr nekropolleri (milâttan evel V-I asırlar);
  • Haraks adlı Roma qalesi (I-III asırlar);
  • Ay Todor lampatı.

Atıflar[deñiştir | kodunı deñiştir]

  1. Bu meskün yer Rusiye ve Ukraina arasında çatışuvğa sebep olğan Qırım yarımadasında buluna. Qırımnı de-fakto idare etken Rusiyeniñ qanunlarına köre yarımadada bulunğan Qırım Cumhuriyeti ve Aqyar federal emiyetli şeeri - Rusiye terkibindeki eki federatsiya subyektidir. Ukraina qanunlarına köre yarımadada Ukraina terkibindeki Qırım Muhtar Cumhuriyeti ve Aqyar mahsus statuslı şeeri buluna.
  2. Ukraina qanunlarına köre.
  3. Rusiye qanunlarına köre.