Ermeni Bazar

şeer Ermeni Bazar ukr. Армянськ rus. Армянск Bayraq Tuğra Memleket Ukraina Region Qırım Şeer şurası Ermeni Bazar şeer şurası Coğrafiy koordinatlar 46.107222, 33.69333346°06′26″ ş. e. 33°41′36″ ş. b.46.107222° ş. e. 33.693333° ş. b.    Yükseklik 10-15 m (deñizge nisbeten) Eali 22 900 kişi (2006) Saat quşağı UTC+2, yaz vaqtında UTC+3 Telefon kodu +380-6567 Poçta indeksleri 96012 — 96016 Ermeni Bazar Qırım haritasında Ermeni Bazar Vikianbarda Ermeni Bazar

Ermeni Bazar (ukraince Армянськ, rusça Армянск) – şimaliy Qırımda, Qırımnı qıtanen bağlağan Or boynunda bir şeerdir.

Tarih

XVIII asırnıñ başında Or Qapı qalesinden köçken ermeni ve rumlar tarafından qurulğan. Ermeni Bazar adınen 1730 senelerinden bellidir. 1921 senesi rus tilinde Armânsk (Армянск) adı berildi. Şeer statusı 1993 senesi berildi (böyleliknen, Ermeni Bazar Qırımnıñ eñ yaş şeeridir).

Eali sayısınıñ dinamikası

• 1926 — 2 670 kişi (1 159 ukrain, 614 rus, 572 qırımtatar, 157 yeudi, 22 alman, 14 ermeni, 6 yunan)
• 1939 — 3 975 kişi
• 1989 — 24 833 kişi
• 2001 — 24 508 kişi (54 % - ruslar, 29 % - ukrainler, 4 % - qırımtatarlar, başqa 11 milletniñ vekilleri)

İqtisadiyat

Esas müessiselerden ekşilik, maden kübrelerni çıqarğan zavodnı, yengil sanayı içün boyalarnı çıqarğan zavodnı ("Сивашский анилино-красочный завод") qayd etmek mümkün. Bundan da başqa demirbeton mahsullar zavodı, ötmek kombinatı çalışalar.

İçtimaiy saa

Şeerde umumtasil mektepler, muzıka mektebi, ihtisasiy oquv yurtu, Herson milliy tehnik üniversitetiniñ filialı, Qırım gumanitar institutınıñ (Yalta) filialı; kitaphaneler, tarihiy ülkeşınaslıq müzeyi; merkeziy şeer hastahanesi; "Titan" ("Титан") adlı futbol klubu, çapıcılarnıñ "Tonus" ("Тонус") adlı klubu ve ilâhre bar.

Bağlantılar

• Armânsk-Şimaliy Qırım (Rusça)
• Armânsk şeeriniñ saytı (Rusça)
• Armânsk şeeriniñ forumı (Rusça)