Darya Skripka

QIRIMTATAR VİKİPEDİYASINIÑ MALÜMATI
Darya Skripka
Doğğan künü 2002 yanvar 24(2002-01-24) (22 yaşında)
Zenaatı yırcı

Darya Skripka (rusça Дарья Скрипка; 2001 s. yanvar 24, Canköy, Qırım) – yaş yırcı, küçlü ve nazik sesiniñ saibi. "Tatlı ses-2013" yarışını ğalibi.

İcadı[deñiştir | kodunı deñiştir]

Al-azırda Canköyniñ bala muzıka mektebinde klassik vokal sınfında oquy. Vokal ocası – Elmira Qudusovna Bekirova, Qırımda nam qazanğan medeniyet erbabı. Ekimler Daryağa yırlamağa yasaq etkenine baqmadan, Elmira Bekirova qızçıqnıñ büyük istegeni ve avesligini körip, oña öz vaqtında qol tuttı ve onıñ göñlüni köterip, vokal derslerini devam ettiler.

2013 s. dekabr 1 künü "Tatlı ses" yarışınıñ finalında, Sabriye Erecepovanıñ repertuarından "Çare sazım / Sıra-sıra cezveler"[1] qırımatatar halq yırını büyük duyğu ve ustalıq ile icra etip, "Vokal" nominatsiyasında ğalebe qazana[2].

"Qırımtatar halq yırını öz repertuarıma almaq ögüne, yırnıñ manasını añlamaq em de öz içimden, öz şuurımdan, öz duyğularımdan keçirmek içün, men mıtlaq onı rus tiline tercime etmek ocama rica etem", dey Darya. Tercime ve aytılışnıñ üstünde Dayağa Z. İbragimov yardım ete, çünki qırımtatar tili Darya içün yabancıdır. İleride Darya qırımtatar tilini mükkemel derecede bilmege planlaştıra. "Men bu halqnıñ medeniyetini, ayrıca yırlarnı pek begenem." Şimdi ise Darya ingliz ve frenk tillerini ögrene.

2014 s. "Tatlı ses"niñ gala-kontsertinde Darya Skripka Emine Cevdetova ile "Aşq oldım" yırnı duette icra ettiler[3].

Menbalar[deñiştir | kodunı deñiştir]

Atıflar[deñiştir | kodunı deñiştir]

  1. Darya Skripka - Çare sazım / Sıra-sıra cezveler
  2. Qırımtatarca yırlağan slavân Darya (Canköy obyektivde)
  3. Darya Skripka Emine Cevdetova ile – "Aşq oldım" (19:50-24:33 dd.) 6 fevralniñ 2015 s. arhivlengen.