Bunevats şivesi
| Bunevats şivesi bunjevački govor / jezik | |
|---|---|
| Memleketler: | Sırbistan, Macaristan |
| Regionlar: | Voyvodina |
| Laf etken sayısı: | 6835 |
| Sınıflaştırma | |
| Kategoriya: | cenübiy slavân tilleri |
| serb-hırvat tilleri | |
| Elifbe: | gayevitsa |
| Til kodları | |
| ISO 639-1: | |
| ISO 639-2: | |
| ISO 639-3: | |
Bunevats şivesi (öz adı bunjevački govor ya da bunjevački jezik[1]) Sırbistandaki Voyvodinada ve cenübiy Macaristanda yaşağan Bunevats (bunjevci, birlikte bunjevac) qavmi tarafından qullanıla. Lisaniy ceetten o cenübiy slavân, ştokav (ne sözi što dep aytılğanından sebep), ğarbiy ikav (tarihiy yat sozuğı şimdiki tilde /i/ dep aytılğanı sebebinden) şivesidir. Voyvodinada neşir etilgen birden-bir bunevats gazetesinde (Bunjevačke novine "Bunevatslar haberleri") gayevitsa şeklindeki latin elifbesi qullanıla.
Şivede laf etkenler sayısı
[deñiştir | kodunı deñiştir]Sırbistannıñ Statistika İdaresi tarafından yayınlanğan ealini cedvelge aluv neticelerine binaen, 2002 senesi bunevats şivesi ayrı til olaraq tanılmağan. O şiveni ana tili olaraq saylanğanlar "başqa tilliler" zümresi içine kirsetilgen. Meselâ, Subotitsa munitsipalitetinde "başqa tillilerniñ" (yani bunevats şivesinde laf etkenlerniñ) sayısı 8914 kişi olğan.[2]
2011 senesi yapılğan cedvelge aluvda ise bunevats tili ayrı til olaraq tanılğan edi. Onı ana tili olaraq bildirgen kişilerniñ sayısı 6835.[3]
Şive statusı
[deñiştir | kodunı deñiştir]Bunevats şivesiniñ statusı açıq tayin etilmegen, hırvat lisaniyatçıları ve şivedy laf etkenlerniñ bazıları onı ayrı bir til olaraq degil, hırvat (ya da sırb) tiliniñ bir şivesi olaraq tanıydır.
Keçmişi
[deñiştir | kodunı deñiştir]Avstriya-Macaristan (Gabsburglar) imperiyasındaki eali cedvellerinde bunevats şivesi çoq kişiniñ ana tili olaraq kösterilgen edi. Meselâ, 1910 s. eali cedveline aluv neticelerine binaen Subotitsa şeerinde yaşağan 33247 kişiniñ ana tili tamam bunevats şivesi olğan. Yugoslaviya qırallığı ve sotsializm zamanlarında ise bunevatslarnıñ çoqusı sırb-hırvat tilinde laf etkenlerini bildirgen.
Notes
[deñiştir | kodunı deñiştir]- ↑ http://www.blic.rs/Vesti/Vojvodina/17383/Bunjevacki-jezik-u-skolskom-programu
- ↑ [1] 18 oktâbrniñ 2013 s. arhivlengen.
- ↑ 2011 Census of Population: Religion, mother toungue and ethnicity. Statistical Office of the Republic of Serbia (2013). 15 iyülniñ 2014 s. arhivlengen.