Çetin Altan

Çetin Altan
türkçe Çetin Altan
Doğğan künü	1927 İyün 22(1927-06-22)
Doğğan yeri	İstanbul, Türkiye
Ölgen künü	2015 oktâbr 22(2015-10-22) (88 yaşında)
Ölgen yeri	İstanbul, Türkiye
Memleketi	Türkiye
Zenaatı	siyasetçi, yazıcı, jurnalist
Ömür arqadaşı	Solmaz Kamuran[d]
Balalar	Ahmet Altan[d] ve Mehmet Altan[d]
Mukâfatlar	Orhan Kemal Novel Prize[d] (1973)
Медиафайлы на Викискладе

Çetin Altan (1927 s. d. — 2015) - qırımtatar tamırlı Türkiyeli yazıcı, jurnalist, eski mebus.

Çetin Altan 1927 senesinde İstanbulda doğdı. Qartbabasınıñ babası Qırımdan köçken arabacı Ahmet Qıpçaqskiy, qartbabası Harbiye mektebinde ocalıq da yapqan Tatar Hasan Paşa edi. Babası uquqçı Halit bey, anası Nurhayat hanımdır.

Galatasaray Litseyinen, Ankara Universiteti Uquq Fakultetini bitirdi. 1943-1944-de Çınaraltı, Varlık, İstanbul ve Kaynak mecmualarında şiirlerinen yazıları neşir etildi. Sipti kitabı Üçüncü Mevki 1946-da çıqtı. Ulus gazetinde mühbir olıp başlağanı gazetacılıqqa Hürseste devam etti. Daa soñra Halkçı, Tan, Devrim, Milliyet, Yeni Ortam, Hürriyet, Güneş, Akşam, Sabah gazetlerinde ve Çarşaf mecmuasında köşe yazıları yazdı.

Altannıñ dört romanı bar: "Büyük Gözaltı" (1973 Orhan Kemal Mukâfatı), "Bir Avuç Gökyüzü", "Viski" ve "Küçük Bahçe". Dörtevide Frenk tiline tercime etilgen bu kitaplardan Büyük Gözaltı İsveç tili, Yunan tili, Bulgar tili ve İspan tili; Bir Avuç Gökyüzü İspan tilinen Romen tilinde neşir etildi. Çetin Altan 1965-1969 arasında Türkiye İşçi Fırqasından mebus olıp saylandı. Bu vaqıttaki hatıratını "Ben milletvekiliyken" adınen kitaplaştırdı.

Yazıcınıñ episi oynanğan teatr oyunlarından basılı olğanlar; Çemberler, Mor Defter, Suçlular, Dilekçe ve Tahtaravalli, basılmağanlar Beybaba, Yedinci Köpek, Islıkçı ve Telefon Kimin İçin Çalıyordur. Kavak Yelleri ve Kasırgalarda balalığın añlatqan Çetin Altanıñ, "Aşk Sanat ve Servet"nen "Atatürk'ün Sosyal Görüşleri" adlı eki incelemesi bardır.

Çetin Altanıñ seyaat yazıları "Al İşte İstanbul" ve "Bir Uçtan Bir Uca" adlarınen neşir etildi. Elli senelik yazıcılığında yazğanları sebebinen pek çoq kere makemege berilgen Çetin Altan, ağır cezada 300-den ziyade davalandı. Üç kere tutuqlandı, eki kere maküm oldı ve eki sene apiste qaldı. Çetin Altan köşe yazılarına Milliyet gazetinde devam ete. 2008 senesinde Türkiye Cumhuriyeti Kültür Vekilligi Kültür ve Sanat Büyük Mukâfatını aldı. Apayı Solmaz Kamuran, oğulları özünday yazıcı, jurnalist olğan Ahmet Altan ve Mehmet Altan, qızı Zeynep Bakandır.

Eserleri

İlk kitabı: Üçüncü Mevki (1946).

Teatr oyunları

• Mor Defter, Tahtaravalli, Dilekçe, Çemberler, Bey Baba, Suçlular, Yedinci Köpek, Islıkçı, Telefon Kimin İçin Çalıyor

Romanları

• Bir Avuç Gökyüzü,
• Küçük Bahçe,
• Büyük Gözaltı,
• Viski.

İlmi Qurğu Eserleri

• 2027 yılının anıları

Siyasiy incelemeleri

• Kahrolsun Komünizm Diye Diye Globalleşme,
• Atatürk'ün Sosyal Görüşleri.

Tarihiy incelemeleri

• Nar Çekirdekleri,
• Tarihin Saklanan Yüzü,
• Aşk, Sanat ve Servet.

Denemeleri

• 1,2,3,4,5,6,7,8,9,10,
• Kopuk Kopuk,
• Gölgelerin Gölgesi Portreler,
• Kral Öldü, Yaşasın Kral,
• Şeytanın Aynaları,
• Bir Yumak İnsan,
• Uçuk,
• Şeytanın Gör Dediği,.
• Kadın, Işık ve Ateş,
• Yeryüzü Tanrıçaları,
• Kullar ve Sultanlar,
• İyiki Şu Köyceğiz Var, azırlagan Solmaz Kâmuran,

Külünçli kitapları

• Zurnada Peşrev Olmaz,
• Sobe, azırlağan Solmaz Kâmuran,

Seyaat kitapları

• Al İşte İstanbul,

Hatıra kitapları

• Onlar Uyanırken
• Ben Milletvekiliyken,
• Kavak Yelleri ve Kasırgalar,

Antolojileri

• Dünyada Bırakılmış Mektuplar,
• Seçmeler

Biografik ikâyeleri

• Kalem Bahçelerinden Yedi Hayat,